Mid Year Committee Thuchhuak kaih tawi.

Mizo Conference of Seventh Day Adventist chuan Executive Mid Year Committee June 19 leh 20 2012 khan Head Quarter Office Seventh Day tlangah an neia memberte an kal tha hle. He committe hian thu pawimawh leh kohhran kaihhruaina tur tam tak an rel a, chung zinga thenkhat te chu : Pastor Glenn H. Hill chu Mizorama crusade nei tura tih a ni a, tin, Med-Aim Adventist Hospital Champhai chu anmahni hmun tho champhai ah sawn rem tih a ni bawk. Hnathawktu Evangelist pathum lak thar a ni a, Pastor atan mi pahnih  Pu Lalduhawma Hmar Zawlnuam leh Pu Joseph Lalnunzira Ratu te chu Ordain tura recommend an ni. Kohhran kaihhruaina bu Church Manual chu Edit a chhut nawn rel a ni. Pastor Rodingliana Aizawl West Circle bialtu chu Youth leh Publishing Director ah dah a ni. Pi Thakimi Colney Helen Lowry school a thawk chu Womem Ministries leh Children Ministries Director ah dah ani bawk. Lunglei Bialtu Pastor M Romawia chu Aizawl West Bialtu atan sawn a ni. Education Director Pi Nunthari Sailo a pension tak avangin Upa Lalnilawma Colney Executive Secretary chuan a hna pangngai bakah Education Director a chelh tel bawk ang. Tin, Adventist Youth Federation Hnahthial Branch din rem tih a ni bawk.                               

Editorial

Hmangaihna leh ngilneihna te hian kan nun hi kai hruaiin kan hun hi heti lam zawng hian hmang tlang ta ila elrelna leh itsikna tello in khawvel hun hi kan hmang thei dawn a lo ni reng maia, chutiang a khawvel hmang thei tur chuan tunge mawh phur ta ang???

                Ka nitin nun hian kan hmalam huntur thui tak hi a sialin midangte nena kan inkar pawh thui takin a nghawng ngei ang, chuvang chuan he khawvel ah hian Pathian thute hi sawiin vah vaih pui chiam thin mah ila kan sawi aia au ring zawk kan nun hian alo au chhuah pui ve chiah em??

                He khawvel ram zautakah hian mihriang chi hrang hrang hi kan cheng tamin kan nun phung hrim hrim pawh a in anglo hlawm hle a, mahse heng mize chi hrang hrang leh hnam hrang hrangte hmun khata min hruai khawm a min phuar khawm tu chu kan chanchin tha neih hi a ni si a, chuvang chuan he kan chanchin tha hian I hriat loh leh ka hriat loh hian nghawng lian tak a neih avangin kan nun dan leh kan khawsa zia hi Krista chanchintha nen hian inmawi hle sela, chuti chuan nang leh keiin a kan lo vah vaihpui thin chanchin tha hian khawvelah hralh a kal phah deuh ngei ang.

Lawrkhawm

 Tv  Lalrengpuia chuan a hna chhunzawm leh turin Dt 25^th June ’12 khan min liamsan leh ta.

                Tun chawlhni lo awm tur hi Thirteen Sabbath alo ni leh tawh a member ten kan thawhlawm a let thum a tih pun tur a ni tih kha I hre thar leh theuh ang u.

                Thalai Kantu chanchinbu chu engemaw harsatna kan neih avangin Issue hnih kan ti chhuak theilo a, chhiartute hriatthiamna kan ngen a ni. Tin, chanchinbu tluang tak leh tha taka a kal theih nan member te’n thu chhuah tur thawh lamah tan ila thar theuh ang u.

                Adventist World Radio Aizawl Centre atangin Produce turin Khasi tawng belh rem tih ani a, ti hian Manipuri leh Kokbrok te buatsaih mek ani a, Khasi tih tel a ni dawn ta a ni. AIR FM Radio Zoawi ah Beiseina aw tih programme chu kumhnih dang chhunzawm leh tur a rem tih a ni bawk. Tin, ITI kohhran chu Company a hlankai rem tih a ni bawk.

            Maubawk Veng chhungah chhiat tawk an awm leh tawh a, tun Sabbath ralzan hian ralna neih leh tur ani a, memberte kim taka kal theuh turin kan in ngenin kan inhriattir a ni e. Hetiang hi Programme hman dan tur ani ang :

Chairman : Tv Jamie Lalzirmawia.

Thusawitu  : Pu C. Zoramchhana.

AY Council Neih a ni...

Dt 24^th June ’12 Sunday Ralzan khan Sabbath School Hall ah Leader Pu C. Lalnuntluanga kaihhruaina hnuaiah AY Executive Committee neih a ni a, chuta thurel hrang hrangte chu :

1.       Committee Hmasa Thurel Thlirlet :  1) Dt 7^th June ’12 a Sangha zawrh chu

thlirletna neih a ni a, aman ala luh kim loh avang in a man hi a rang thei ang bera pek kim nise, aman a luh kim hnuah Secretary in report pese tih ani.

                2) Dt 23^rd June ’12 a chaltlang kohhran kan tlawh chu hlawkthlak kan tiin kan hlim tlang hle a, zawng chhang thlak kan tiin hun neitu zawng zawngte’n an chanvo te tha taka an hlen theuh avangin Committee chu chanvo neite chungah alawm hle.

         2.  Group Meet Chungchang :  Committee Hmasa a a hun lo ruat tawh chu tunkar chhungin Group Meet Sub Committee in lo en sela, programme tur pawh lo duang nghal tura tih a ani a, Sub-committee thuchhuak hi Vesper inkhawm banah Executive Memberte’n sawiho leh nise tih a ni.

         3.  Visitors Day :  chungchang ngaihtuah anih hnuah hman ngei nise tih a ni a, Programme alo hlawhtlin zawk theih nana hmalola turin Sub Committee din a ni a, memberte chu : Chairman : Tv Van Lalnghaka Ngente.

                                 Secretary : Tv EL Hnamte.

                                 Members te : Pu. C. Lalnuntluanga. Nl Nancy Lalremruati leh Nl Lalhmingdiki te ruat an ni.

          4. Programme Co-Ordinator :  chungchang ngaihtuah a ni a, heng mite hi 3^rd Quarter chhung atan ruat a ni. Tv Lalduhzuala, Tv Van Lalnghaka Ngente, Nl Lalawmpuii leh Nl Lalremruati te ruat anni.

           5. Thawhlawm ip : Kalpui mek chu tun aia nasa zawka memberte’n kan thawh theuh theih nan a khawntute’n uar zawkin khawn thin se tih a ni.

            6. Thalai Kantu : Editorial Board tur siam thar a ni a chungte chu :

Editor : Tv Van Lalnghaka Ngente. Joint editor : Tv PC Lalhriatpuia, Tv Zohmingsanga Sailo. News Editor : Tv Jamie Lalzirmawia, Tv lalthafela, Tv Lalnunfina. OB Incharge : Tv Rosanglura. Circulation : Pu C. Lalnuntluanga te ruat thar an ni.