Hriat Zauna

Tun tum chu e-mail hi i han chhui chiang thuak thuak dawn teh ang.

E-mail: “Electronic Mail” tih na a ni a, Computer (Internet a nih mah zawk ang chu) thiam thil hmang a thu inthawn tawn theihna hi a ni. Tunhma deuh chuan lehkhapuan ah ziakin envelope-ah kan thun a, address chiang taka kan ziah hnu ah, stamp kan bel a, Post Office-ah kan thawn thin a, kan thawn tumna hmun kha ahlat dan a zirin nikhat emaw kar khat lai te pawh a thang thei thin a ni. Amaherawhchu e-mail kan hman
hnu chuan chung buaina zawng zawng chu kan pumpelh thei ta a, awlsam, rang leh him zawk si in ka duhna hmun takah kan thawn thei ta a ni. E-mail hmanga thu kan thawn dawn chuan e-mail address kan neih ve phawt angai a. E-mail address/account nei tur hian email account pe theitu company (yahoo,gmail, rediff, hotmail etc.) te hnenah kan inziah luh(register) ve phawt angai a, chumi hnuah chauh chuan e-mail kan thawn in kan dawng thei dawn a ni. Inziahluh (register) hi thil har lutuk a ni lova, internet kaltlanga tih mai tur a ni ang. Hming, pianni, kum leh thla chhut luh tur a ni a, tin password (mahni chauhin hriattur) te kan chhut luh fel vek hnu ah, kan tih dik chuan email account kan lo nei ve mai dawn a ni.

Thiamna asan tawh avang hian hna dil tur tan emaw hnathawhna  atan emaw email account hi neih ngei ngei angai tan der tawh mai a, internet kan hmang tak tak dawn anih ngat phei chuan email account neih hi thil tih makmawh a ni.