Kum 2011 Blanket suk

 Kan hriat fo tawh thin ang in kumtin khel lova kan neih ziah thin Blanket suk hnatlang (a nihna tak ah chuan Blanket suk intihhlimna ani mah zawk ang) chu vawi tam tak kan thulh hnuah dt.17^th Sunday  March khan hlimawm takin kan nei thei a, a lawmawmin ahlawkthlak tak zet zet a ni. Kum dang a kan buaina thin kalna leh haw na turah kumin chuan buaina kan nei ta lova, hmasawnna ropui tak ani awm e. Zing chaw eikham dar 8 bawr vel ah Elder H.Laltlankima inkawt atangin Bus in kan chhuak a, member 38 vel zet zawt kan thawk chhuak thei a, tin, kan Sponsor Tv.R.Lalhmingmawia’n a motorin min ho thei bawk a, a lawmawm hle a ni. Dar 9 rik hma deuhvin kan thleng thla a, insuk kan tan nghal a, Blanket 58 lai kan su a, hmun hnihah inthen in kan han phu nghal mar mar bawk a, thalaite tanrualna a fakawm hle, tuilut thei an lut a, sawr pawl leh pho pawl te, rawngbawl lam lo buaipui pawl te kan awm bawk a, kan indaih mawi tawk hle a ni. Chawhnu dar 3 vel ah kan rawn chhuak chho leh thei a. Tichuan zan thimin min nan hma in kan pho vek hman a, alawmawm hle a ni. Lawm thusawina tur kan nghah a, kan lawm em avangin kan han tarlang ang e. Min buaipuite zawng zawng chungah kan lawm a, phal taka phona atana an in min  hmantirtu, tin, a enkawl leh senghawi min tihsaktute.: Elder H.Laltlankima, Pu.Lalthankima Phillips, Pu.K.Kaphlira, Pi.Kapthangi, Silpauline leh blanket lamna leh pekna atana motor thawhtu Pu.Lalrinsanga te chhung chungah kan lawm em em bawk a ni. Nu leh pa ten in fate phal taka in rawn kaltir avangin in chungah lawmthu kan sawi mawlh mawlh bawk. Pathian vena leh kaihhruaina kan dawng nasa hle a, lawmthu sawi tawngtai I bang lovang u.