Van Lalnghaka Ngente
Awle, tunkar chho chu ka rilruah leh ka thinlungah hian thil lang reng mai leh khawvel mi tam tak thin lung pawh a lang ve ngei tura ka ngaih chu nu te ni (Mothers Day) kan hmang tur hi a ni!!!
He khawvel ah hian miropui tak tak leh Misual tak tak tamtak an awm a, chung zawng zawng chu mihring tih kan ni a, mihring chu nu chhul atanga chhuak ho sawi nan hman a ni thin a ni. Chuvang chuan vawiin a khawvel a mi chi hrang hrang awmte hi nu chhul atanga chhuak vek kan nih avangin nute hlutna hi engtiang ang tawngkama sawi fiah chi tak ni ang maw???
He khawvel a aw mawi zawng zawng hi lo fawk khawmin mithiam tin rengte hian anthiamna zawng zawng sawm khawmin han sawi dawn ta selangin khawvel mi ropui tak takte pawh hian an sawi dan a in ang loin a ropui dan pawh a in anglo ngei ang. Chuvang chuan kei thiamna leh finna pawh neilo leh fanghmir pakhat pawh thunun theilo hian khawvel a mi ropui te pawhin an sawi chhuah thiam loh tur kan han veive te hi chu ka insit rum rum a, ka sehsam ka kaw chhungah a tla nge ka rilru ah lah chuan thu fahrah te te bak alang chhuak thei bawk silo, amaherawhchu tul tihna lian tak ka neih avangin ka han thlasik mau puah pui ve phawng mai teh ang.
He khawvel eng ka lo hmuh nana ka chunnu in a ka tana harsatna a tuarte, fuh ke kim in ka piang lovang tih hlau reng renga a pum chhung a ka awm lai atanga min enkawl tan dante zawng zawng ka ngaihtuah hian KA NU tan hian tih theih enge ka neih ve tih te ka ngaih tuah a.
Amaherawhchu chung zawng zawng ka ngaihtuah chung pawh chuan khang ka chunnu in a tuarna zawng zawng avangte khan ba neiah min la ngailo leh zel mai te pawh hi ava han mak zo zai em!!! Nu hmangaihna hi zawng a lo ril lua a ni e…
Chutah mihring pangngai a piang chhuak ta nafam chu ka chunnu bawk chuan rual ka pawl loh leh thiante zingah ka hnu fual bik ang tih hlau reng rengin hna hah takte’n a thawk a, hmeichhe awm nem a nihna reng reng hre changlo a hah pawh sawilo a hna a thawh chhante zawng zawng chu angdang vang niloin a hmangaih a chhul chhuak nang leh kei a fate tan a thawk a nihna chuan a taksa hahna tur leh hrehawm a tuar pawh chu a hre chang ta lo a ni!!!
Nausen ka nih laia zan tah ka chin thinlai te, zan eng hunah pawh ka zun leh ek thiar tura zan tlai pawh sawilo leh mut chhuak pawh sawiloa a khawvel hun a hman chhante chuan hrehawmna aiin a nun a tihlim zawk a, a chhul chhuak ahmangaih tak a fa chungah chuan beiseina leh innghahna ril tak a neih avangin hah pawh a sawi phallo a ni.
Khawvel zawng zawng ah hian kal chhuak dapin mi tin reng hi zawt ta ila ka nu min hmangaihna ang leh duhsakna anga min duh sak tur hi leimi zingah hian awm thei hian ka ring mawlh lo a ni.
Ka nu ka nu duh tak mai chuan bang lovin ka tan a tawngtai thin a, chu a tawngtai chhan chu eng dang vang nilovin min hmangaihna leh duhsakna amana ka hnena a lo hlan tawh ngei kha ka hnen atang bawk a dawn ve a in beisei reng asin. Chuvang chuan chhiattu duh takte he Nu te ni kan hman tur hian kan thin lungah kan Nu te duhsakna leh hmangaihna thar lo piang mawlh rawh se.
No comments:
Post a Comment