Editorial

Thalai nih hun lai hi mi tu mai pawh hian kan ngaiin eng hun leh dinhmunah pawh ding ila kan sawi thin leh kan ngaihtuah chhuah fo thin chu kan that lai hun hi a ni awm e, thenkhat chuan thatlai hun theih tawpa min siamtu fak nan an hmanga thenkhat vethung chuan kan thatlai hun hi a tawp dawn ani tih leh rorelna kan hmachhawn dawn tih hre re re lovin kan theih tak emaw tiin an in chhek vel thin a ni.

                           Vawiin a that lai hun chen mekte hi nakinah chuan vanglai hun ngai ve tho tur leh vanglai liam ve vek tur kan ni a, kan hun hman hi nakina kan ngaihdan ah hian siam that leh theih se aw ti a kur vawng vawng turin nge i thatlai hun i hman a, i vanglai hun hman anga i tu leh fate’n hmang vese tiin duh sakna i hlan zawk dawn???

                           He khawvel bul tanna ah hian mi hrang hrang chuan nun bul tanna atan  thatlai hun atanga tan chauh te, naupan tet atanga tan te pawh an awm ang, nu leh pa nih hnu a nun bul tan chauh te pawh an awm ve ang, mahse eng hun hi nge nun bul tan nana tha ber tih hi han ngaihtuah ve teh, mahse khing hun kan sawi zawng zawng ah khian eng hun ah nge i awm?? I tun hun kha nun bul tanna hun tur chu a ni, i tan ve dawn lawm ni????